| f÷studagurinn 2. jan˙ará2015

Breytingar ß stu­ningi vi­ menningu og atvinnulÝf

HˇlmavÝkurh÷fn
HˇlmavÝkurh÷fn

Nú um áramótin runnu út þrír samningar sem hafa verið í gildi milli ríkisins og Fjórðungssambands Vestfirðinga; menningarsamningur, vaxtarsamningur og samningur um sóknaráætlun landshlutans. Viðræður um framhaldið hafa verið í gangi milli ríkisins og allra landshlutasamtakanna og er vilji til að gera nýjan samning til 5 ára. Af hálfu ríkisins er gengið út frá því að allir þessir samningar renni saman í einn farveg og fjármagn til þeirra verði sameinað í einn sjóð innan vébanda sóknaráætlana landshlutanna. Þessum viðræðum er ekki lokið, en stefnt hefur verið að undirritun samnings í byrjun febrúar. Á fjárlögum Alþingis fyrir árið 2015 er gert ráð fyrir sama heildarfjármagni til samninganna þriggja á landsvísu og á þessu ári.

 

Ætlunin er að auglýsa eftir umsóknum til menningarverkefna og nýsköpunar úr nýja sjóðnum eins og fljótt og hægt er, eftir að gengið hefur verið frá samningum við ríkið. Ekki er gert ráð fyrir miklum breytingum á heildarupphæð á styrkjum til þessara málaflokka á Vestfjörðum milli 2014 og 2015.

Svipmynd