| ■ri­judagurinn 6. jan˙ará2015

Minjarß­ Vestfjar­a stofna­

Frß vinstri: Gu­r˙n Stella Gissurardˇttir, Jˇn Jˇnsson, ١r HjaltalÝn minjav÷r­ur Nor­urlands vestra, Magn˙s A. Sigur­sson minjav÷r­ur Vesturlands, Jˇn Sigurpßlsson og KristÝn Huld Sigur­ardˇttir forst÷­uma­ur Minjastofnunnar
Frß vinstri: Gu­r˙n Stella Gissurardˇttir, Jˇn Jˇnsson, ١r HjaltalÝn minjav÷r­ur Nor­urlands vestra, Magn˙s A. Sigur­sson minjav÷r­ur Vesturlands, Jˇn Sigurpßlsson og KristÝn Huld Sigur­ardˇttir forst÷­uma­ur Minjastofnunnar
1 af 5

Nú hefur verið stofnað Minjaráð Vestfjarða sem er ráð sem starfar með Minjastofnun Íslands sem hefur umsjón með minjavörslu í landinu. Minjastofnun fer m.a. með eftirlit með fornminjum, friðuðum húsum og mannvirkjum, og vinnur að stefnumörkun í málaflokknum og skráningu og varðveislu upplýsinga. Tilgangurinn með minjaráðunum er að mynda öflugt bakland fyrir þjóðminjavörsluna og efla tengsl við fólk um land allt, sem lætur sig þessi mál varða. Í flestum landshlutum hefur verið starfandi minjavörður sem stýrir starfi minjaráðanna, en slíkur hefur ekki verið á Vestfjörðum frá 2011. Nú stendur hins vegar til að bæta úr því og á næstunni verður starf minjavarðar Vestfjarða auglýst.

 

Í Minjaráði Vestfjarða eru auk tilvonandi minjavarðar Vestfjarða; Jón Sigurpálsson safnstjóri Byggðasafns Vestfjarða og Steinunn Kristjánsdóttir prófessor í fornleifafræði við HÍ sem eru tilnefnd af Þjóðminjaverði, Guðrún Stella Gissurardóttir forstöðumaður þjónustuskrifstofu Vinnumálastofnunar á Vestfjörðum og Ingibjörg Emilsdóttir hótelstjóri á Hólmavík sem tilnefnd eru af Fjórðungssambandi Vestfjarða og Jón Jónsson þjóðfræðingur og menningarfulltrúi Vestfjarða og Nanna Sjöfn Pétursdóttir skólastjóri Grunnskóla Vesturbyggðar sem tilnefnd eru af Minjastofnun.

 

Meðfylgjandi myndir eru teknar á hugmyndafundi sem haldinn var á Ísafirði í tengslum við stefnumótun Minjastofnunar Íslands fyrir skemmstu, en minjaráð Vestfjarða var stofnsett og kom saman í fyrsta sinn í tengslum við þann fund.  

Svipmynd