LÝna Bj÷rg Tryggvadˇttir | mi­vikudagurinn 19. febr˙ará2014

Undirritun sveitarfÚlaga ß Nřtingarߊtlun strandsvŠ­is Arnarfjar­ar

Mynd fengin af visindavefur.is
Mynd fengin af visindavefur.is

Fjórðungssamband Vestfirðinga er ánægja að tilkynna að verkefnið „nýtingaráætlun strandsvæðis Arnarfjarðar“ er lokið. Bæjarstjórar /sveitastjóri þeirra þriggja sveitafélaga er stóðu að verkefninu munu staðfesta verkefnið með undirritun sinni  þann 27. febrúar í félagsheimilinu Baldurshaga á Bíldudal kl. 13:00 og eru allir velkomnir. 

 

Vinna við verkefnið hófst árið 2010 og var meginmarkmið verkefnissins að samræma stjórnun og nýtingu svæðisins í samvinnu við sveitastjórnir, hagsmunaaðila og íbúa. Með verkefninu eru þátttakendur að staðfesta vilja sinn að vinna í samræmi við skipulagsáætlun. Með þessu verklagi er horft til framtíðar og stuðlað að sjálfbærri nýtingu og verndun strandsvæðisins til hagsbóta fyrir samfélag, efnahagslíf og umhverfi.

 

Dagskrá 27. febrúar.

13:00 Sigurður Ingi Jóhannsson umhverfis- og auðlindaráðherra.

13:15 Ásdís Hlökk Theodórsdóttir forstjóri Skipulagsstofnunar

13:25  Sigurður Pétursson forstjóri Dýrfisks: Sýn eldisfyrirtækja á gerð      nýtingaráætlunar

13:35 Ása Dóra Finnbogadóttir íbúasamtök Bíldudals: Sýn ferðaþjónustufyrirtækja á gerð nýtingaráætlunar.

13:45 Gunnar Páll Eydal, sérfræðingur, Teiknistofunni Eik: Gerð nýtingaráætlunar.

13:55 Ásthildur Sturludóttir bæjarstjóri Vesturbyggðar, Daníel Jakobsson bæjarstjóri Ísafjarðarbæjar og Indriði Indriðason  sveitastjóri Tálknafjarðarhrepps.

14:10 Undirritun nýtingaráætlunar

 

Nýtingaráætlunin er hugsuð sem leiðarljós sem nýta á við ákvarðanatöku á strandsvæðinu og auka skilvirkni stjórnsýslum, t.d við gerð umsagna um leyfisveitingar. Sveitastjórnir hafa takmarkaða aðkomu að ákvarðanatöku um nýtingu á strandsvæðinu. Strandsvæðaskipulagið er hugsað sem verkfæri sem tryggja á sjálfsákvörðunarrétt sveitafélaga um nýtingu strandsvæðissins en leyfisveitingar verða eftir sem áður í höndum opinberra aðila í samræmi við viðkomandi lög og reglugerðir. Áætluninni er einnig ætlað að auka samkeppnishæfni svæðisins og stuðla að því að auðlindir verði nýttar á fjölbreyttan og sjálfbæran hátt með áherslu á langtímahagsmuni við verðmætasköpun, verndun lífríkis og umhverfis.

Nýtingaráætlun Arnarfjarðar er fyrsta verkefni sinnar tegundar sem unnið er á Íslandi. Í framhaldi af þessu verkefni var haldið af stað með gerð nýtingaráætlun strandsvæða Ísafjarðardjúps og Jökulfjarða en það verkefni liggur nú í dvala á meðan verið er að reyna að fjármagna verkefnið.

Svipmynd