| ■ri­judagurinn 18. nˇvemberá2008

┌thlutun styrkja ß Patreksfir­i

Síðari úthlutun Menningarráðs Vestfjarða á árinu 2008 verður í Sjóræningjahúsinu á Patreksfirði nú á föstudaginn 21. nóvember og hefst athöfnin kl. 16:00. Verða þar afhent vilyrði um styrki frá Menningarráði Vestfjarða, en alls eru veittir styrkir til 52 verkefna að þessu sinni. Eru einstakir verkefnastyrkir á bilinu 50 þúsund til 1 milljón, samtals að upphæð 17,4 milljónir. Styrkirnir fara til fjölbreyttra verkefna sem sýna glöggt þann kraft, frumkvæði og nýsköpun sem einkennir vestfirskt menningarlíf. Verkefni sem tengjast útgáfu og miðlun eru áberandi í hópi þeirra verkefna sem styrkt eru að þessu sinni, en sérstök áhersla var lögð á þennan þátt menningarstarfsins við úthlutun að þessu sinni. 

Athöfnin í Sjóræningjahúsinu á Patreksfirði á föstudag er opin öllum sem áhuga hafa og sveitarstjórnarmenn og þeir sem standa í eldlínunni í menningarstarfi á Vestfjörðum eru sérstaklega boðnir velkomnir. Á dagskrá eru erindi, afhending styrkja og sýnishorn af öflugu vestfirsku menningarlífi. Í lokin á þessari formlegu athöfn verður boðið upp á léttar
veitingar í Sjóræningjahúsinu.

Heildarlisti um styrkt verkefni verður birtur á vef Menniningarráðsins á föstudag og sendur fjölmiðlum. Menningarráð Vestfjarða mun næst auglýsa eftir umsóknum til verkefna á menningarsviðinu snemma á nýju ári.

Svipmynd

LÝna Bj÷rg Tryggvadˇttir, verkefnastjˇri bygg­a■rˇunardeildar